Topp 5 frumlegustu kvennafarsmóment sem ég hef upplifað hjá vinum mínum á djamminu !!!

 

1. Pikköpp línur: Vinur minn hafði átt kvöld sem gekk ekki sérlega vel með stelpunum. Fullur af sannfæringu hélt hann út í ómenninguna í miðbænum með það markmið að ná dömu heim eftir heillandi pikköpp línu. “Má ég fá tíkall til að hringja heim og segja mömmu þinni og pabba hvað þau bjuggu til fallegt barn” var ein þeirra. Hann tók í fatamiðann á peysu annarar og sagði um leið “Just as I thought, made in heaven”. Eftir mikla höfnun sat hann hálfgrátandi á barnum og upp að barnum labbar ung dama. Bitur og svekktur eftir engann árangur leit hann á hana og sagði “Þú þráir mig druslan þín”. Til að gera langa sögu stutta virkaði þetta 100%.
2. Töfrabragð: Vinur minn hafði nýlega lært töfrabragð og á einhvern óútskýranlegan máta gat hann látið rauðan klút hverfa í lófann á sér. Hann nýtti þetta óspart sem ísbrjót þetta kvöld og kvennsurnar virtust standa rennandi með aðdáun horfandi á hann. Ein þeirra sýndi honum einstaklega mikinn áhuga og ef það hefði ekki verið fyrir afskiptasemi dyravarða og heimsókn í fangaklefa að þá hefði þessi litli krúttlegi töframaður ábyggilega getað lúllað heima hjá henni og gert sitt stærsta töfrabragð með því að láta sig hverfa eftirá.
3. Handleggir: Eitt sinn gengum við vinirnir í gegnum austurstrætið á menningarnótt. Eins og þruma úr heiðskýru lofti vindur einn vinur minn sér inn á Subway og byrjar að koma sér í mjúkinn hjá einni dömu. Við hinir horfum inn um gluggan og okkur til mikillar furðu valdi hann enga af gyðjunum sem voru svangar í samloku heldur valdi hann þessa sköllóttu í röðinni. Þegar hann kemur aftur út spyrjum við “Hvað var þetta” ? Svarið stóð ekki á sér “Sæt stelpa” ! “En hún var sköllótt, náföl og hún leit út eins og sjúklingur með hvítblæði” sagði ég hátt og snjallt við hann... “Rólegur félagi” svaraði hann... “Hún var með svo fallega handleggi.
4. Stutti maðurinn: Eitt kvöld sitjum við félagarnir á Glaumbar á fimmtudegi að sötra mjöð. Einn okkar sagði að ekki þyrfti alltaf að vera súkkulaðistrákur til að heilla dömurnar og að groddalegir karlmenn eins og hann gætu nælt í hvaða gellu sem væri. Við hlóum nett en vorum tilbúnir að skora á hann í þessari iðju. Köggullinn vindur sér á gólfið með illa rakað skeggið, sveittan bol og derhúfu og byrjar að dansa með steinaldarstílnum. Og viti menn hann nældi sér í drottningu á gólfinu. Ekkert smávegis sæt pía sem hann byrjaði að dansa við og sú var alveg að falla fyrir honum. Hinsvegar átti hann kærustu heima svo hann var ekkert að gera neitt meira í því. Við vinirnir vorum sannfærðir og heldur betur ánægðir með kallinn. Vika líður og aftur sitjum við á fimmtudegi. Fullur af egó byrjar vinur okkar að tala um hversu flotur tappi hann sé og hvað hann sé miklu meiri kvennaljómi en við hinir. Svo bætir hann við að svona drottningar taki ekki hverju sem er... Hann varla náði að sleppa orðinu þegar drottningin hans smekklega gengur inn gólfið leiðandi dverg sem flengdi hana og smellti á hana kossi. Meira var ekki rætt um þessa kvöldstund en hláturinn fékk að hljóma í stundarfjórðung.
5. Augnargotur: Einu sinni var súkkulaðisæti vinur minn með mér á djamminu og byrjaði að stara á eina dömu hinum megin við barinn. Ég sló í hann og sagði að það væri dónalegt að stara en hann sagði nei bíddu, þetta virkar, sjáðu bara. Svo sat hann og starði í 10 mínútur og af og til leit hún á hann og svo vandræðarlega undan. En ekki var mikið að gerast á milli þeirra. Í bíómyndunum tekur þetta yfirleitt 30 sekúntur að breytast í daður en það var ekki að ganga. Hún skrapp á dansgólfið og við eltum eins og svangir sauðir og alltaf var vinur minn með störuna. Hún varð vandræðarlegri með hverri mínútunni. Undir lokin var ég að missa mig og vildi fara að skoða nýja sénsa en hún missti sig á undan og gekk upp að vini mínum og spurði í brjálæðislegum tón “AFHVERJU ERTU AÐ STARA SVONA Á MIG... ER EITTHVAÐ AÐ ÞÉR” ??? “Nei” segir vinur minn... “Þú ert bara svo sæt”... Við þetta tekur hún í höndina á honum og þau ganga saman út. Niðurstaðan er sú að vinur minn fann sér nægjusömustu konuna í bænum sem ekki þarf að eyða of mörgum orðum í.

 

Mjög ungt og mjög óheflað !!!

Ég gekk um miðbæinn frá því kl. 16.00 og langt fram á rauða nótt. Ég varð hissa yfir því hvað ungir krakkar voru þar á fylleríi og ég vona innilega að þetta sé frekar ég að vera eldri heldur en krakkarnir að vera yngri. Einu slagsmálin sem ég varð var við í bænum var í kringum þessa krakka og oftar en ekki voru þetta bara lauslegir unglingaslagir þar sem tveir æstir og nýbúnir að uppgötva orkuna á milli fótanna án þess að kunna að nota hana voru að dangla í hvorn annan af því þeir kunnu ekki að tala við dömurnar en þurftu jafnframt að losna við útrás. Fyrir mína parta verð ég að hrósa þjóðinni fyrir hvað samfélagið virðist vera að róast mikið niður. Greinilegt að öflugt kynningar- og forvarnarstarf er að bera árangur. Á föstudeginum naut ég góðra tónleika á Laugardalsvellinum sem Kaupþing bauð uppá. Ég hafði heyrt af reglunni um að áfengisneysla væri bönnuð á svæðinu og þá litlu trú hafði ég á samfélaginu mínu að ég hló og sá fyrir mér rollandi fyllerí langt frameftir nóttu. Hinsvegar mér til mikillar furðu var þetta hin besta fjölskylduskemmtun og heppnaðist að mínu mati gríðarlega vel. Ég fullur af neikvæðni hugsaði fljótt þetta hlýtur að vera vegna þess að fólk er að spara sig fyrir menningarnóttina og þá verður vesen. En nei ! Svo virtist ekki vera því þegar ég gekk um bæinn að þá varð ég var við miklu minna vesen en allar þær menningarnætur sem ég hef sótt áður og meira að segja varð ég var við minna vesen en allar þær stóru samkomur sem ég hef sótt á þessu litla skeri okkar. Til hamingju Ísland við erum á góðri leið !!!

20 ungmenni færð í athvarf

Quote í tilvonandi snilling !!! Eða minning um tilvonandi vitleysing ???

Þegar ég vaknaði í morgun setti ég mér markmið. Í dag ætla ég að segja eitthvað gáfulegt. Ég segi að sjálfsögðu eins og hver heilvita maður marga gáfulega hluti á hverjum degi en í dag vil ég segja eitthvað sérstakt. Eitthvað eins og gáfaðir menn hafa sagt og fólk vitnar í langt aftur í tímann.  Ég byrjaði að hugsa og heilasellur brutust um hausinn í þrumum og eldingum á meðan greindarvísitalan reyndi að láta til sín segja. Svo kom augað í storminum allt varð rólegt og það varð eins og heilinn væri kominn í verkfall. “NEI EKKI MEIRA” sagði hann. “Ég er bara ekki svona klár eins og þú heldur að ég sé” bætti hann við. Ég huggaði heilann minn og hughreysti hann með fallegum orðum eins og þú getur þetta alveg, þú ert víst klár og maður getur alltaf gert það sem maður vill ef maður setur sér markmið. En allt kom fyrir ekki og á endanum leið mér eins og ég væri að tala við sjálfan mig.  Þá eins og þruma úr heiðskýru lofti laust niður í hægra heilahvolið setning sem var gáfulegra heldur en allt það sem ég hef heyrt það sem af er af degi. Erfiðustu spurningarnar eru oft með einföldustu valkostina !!! Og ekki varð lát af vitsmununum þarna því önnur fylgdi strax á eftir... Einföldustu spurningarnar eru oft með erfiðustu valkostina !!! Markmiði dagsins var náð. Ég tók mér reyndar góðan klukkutíma í að ná dýpri skilning í þessa óendanlega miklu visku sem ég hafði öðlast og var tilbúinn til að deila með mannkyninu.  Því miður fékk heilinn minn nóg og er kominn í fýlu út í mig. Hann segist vera hættur að tala við mig af því ég sé bara að nota hann. Ég veit að hann fyrirgefur mér einn daginn og þá getum við saman átt góðar stundir í að leysa heimsins vandamál en fram að því verð ég að sætta mig við að vera heilalaus hálfviti.  Ein huggun er þó í þessu öllu saman og það er að eftir tuttugu ár mun fólk segja Erfiðustu spurningarnar eru oft með einföldustu valkostina og einföldustu spurningarnar eru oft með erfiðustu valkostina. Þetta sagði Helgi Þór hérna í gamla daga og þar erum við að tala um snilling.  Ég þarf ekki alltaf að fatta viskuna mína heldur bara að deila henni með öðrum.

Ekki alveg í takt !!!

Ég var nú ekki með hljóð til að heyra fréttina en ég las það sem skrifað var og ég get ekki annað en hugsað þvílíkur asni. Vestræn menning er í stríði við sér fátækari samfélög. Hvort þetta stafi af fáfræði menningarheima í miðausturlöndum, öfund eða hreint út sagt geðbilun málaðari af trúarlegum ástæðum að þá erum við og okkar lifnaðarhættir í hættu. Bara vegna þess eins að við eigum pening á milli handanna og erum ekkert að spara stoltið gagnvart öðrum þjóðum að þá erum við skotmörk. Ég segi það aðeins vera spurning um hvenær Ísland lendi í alþjóðlegum deilum á einn eða annan hátt og hverja munum við vilja eiga sem vini þá ???

Við eigum eftir að sleikja rassga*** á öllum þeim herafla sem við getum fengið aðstoð hjá og við munum þurfa að reiða okkur á þá 100%. Það mun aldrei ganga að hafa íslenskan her þar sem við erum of fámenn og það þyrfti ekki stóran herafla til að granda okkur.

Hernaðarandstæðingar mótmæla varnaræfingu

Geta Íslendingar ekki lýst yfir stuðning ???

Við studdum Bandaríkjamenn í þeirra stríði við Írak... getum við ekki stutt þetta stríð líka fyrst við erum í gírnum ???

Geta í sameiningu sigrast á Al-Qaeda

Svakalega hressandi verslunarmannahelgi !!!

Eins og ég byrjaði á því að vera ósáttur við þessa helgi áður en hún byrjaði, af þeirri einföldu ástæðu að ég flykktist ekki út á land með hressu hjörðinni sem ég er nú vanalega meðlimur í, að þá endaði ég barasta mjög sáttur í dag !!!

Ég tók vel á því með vinum mínum á föstudagskvöldinu og kíkti í smá teiti heima hjá Reynir vini mínum með Henning og Óla. Þar sátum við og drukkum mjöð fram eftir kvöldi, horfðum á David Bowie á DVD (sem var áhugaverðara en ég hefði búist við) þar til leiðin lá niður í bæinn. Við hittum þennan líka hressa leigubílstjóra sem var með óbeit á Svíþjóð. Eftir að hafa heyrt hressandi comment frá honum um hvernig pósthúsin í Svíþjóð eru verri en allt og hvernig sænskt kvenfólk er ruglaðara en allt að þá gat Reynir ekki meira og sagði "Ég er ósammála ég svaf einu sinni hjá sænskri píu". Leigubílstjórinn ætlaði að hoppa uppúr þakinu yfir því að eitt kvöld væri ekki samanburður við samband í 5 ár við eina kolbilaða sænska og við sauðirnir í aftursætinu skemmtum okkur konunglega við áhorfið. Við greiddum manninum og héldum beinustu leið í svitafýluna á Celtic Cross. Kvöldið samanstóð af flakki hingað og þangað þar til við gáfumst upp og héldum heim til Reynis þar sem við sötruðum síðasta bjórinn og sofnuðum. Laugardagskvöldið var síðan slökunarkvöldið mitt. Restin af helginni var slökun sem samanstóð af mjög ánægjulegri ferð uppá Ruby Tusday og svo Kofann seinna um kvöldið og svo bústaðarferð með fjölskyldunni á sunnudaginn. Bústaðurinn var nú reyndar til að undirbúa fyrir "ættarmótið" sem haldið var í dag á frídegi verslunarmanna þar sem ættarfaðirinn hann afi Dengsi heitinn hefði orðið 80 ára í dag og við hittumst fjölskyldan til að minnast hans. Það var hin besta skemmtun í alla staði og saman átum við hamborgara, grilluðum pulsur, drukkum kók og reyndum að muna nöfnin á öllum þessum barnaskara sem er kominn í fjölskylduna. Þetta er orðin svo ótrúlega stór fjölskylda sem ég er í og mikið af börnum, barnabörnum og barnabarnabörnum að ég held að eina lausnin sé í næstu veislu að hjörðin gangi með nafnspjald framaná sér. Í lok dags endaði ég á trampolíninu með börnunum með þá löglegu afsökun að ég væri að halda þeim félagskap sem hressi frændinn (í raun og veru er mig búið að dauðlanga til að hoppa á þessu trampolíni frá því fjölskyldan keypti það en ég var alltaf of stór til þess). Ég og Lára kærasta Sveinbjörns frænda enduðum á trampolíninu með krökkunum og það endaði með því að Sveinbjörn sjálfur ákvað að fá sér hressandi hopp. Þá flúðu börnin úr trampolíninu (enda vita flestir hvernig Sveinbjörn er þegar hann hressist við og við "fullorðnu krakkarnir" sátum eftir. Eftir nokkur karlmanleg högg í öxlina og macho bull á milli mín og Sveinbjarnar ákvað ég að halda þessu hressandi fjöri gangandi með því að hoppa í heljarstökk sem gekk ekkert smávegis vel. En þegar ég sagðist ætla að taka eitt afturábak að þá var nú komið annað hljóð í kallinn... Sveinbjörn greinilega orðinn ábyrgur og hann réði mér frá þessu !!! Ég hlustaði ekki á góð ráð frekar en fyrri daginn og sit hér uppi í rúmi tognaður frá hálsi og niður í bak. Ég s.s. lenti á hausnum og mér tókst ekki einu sinni að hitta naglann á höfuðið þótt fallið hafi verið flott. Lára hló að mér, Sveinbjörn hló meira, Stefán gerði gis og ég lá lamaður með hreyfigetu. En að öllu gríni slepptu að þá er þetta tognun sem fer vonandi á næstu dögum og ég vil því biðja allar sætar stelpur að labba bara fyrir framan mig næstu daga því ég mun eiga erfitt með að snúa hausnum fyrst um sinn !!!

Yfir og út

Ps. hérna er mynd af mér frá því í Róm á spítalanum... Alltaf ferskur !!!

Sumarfríið alveg að klára !!!

Núna er heldur betur liðið á sumarið. Ég og félagarnir vorum í leigubíl í nótt á leiðinni á næturlífið í RVK og tókum eftir því okkur til mikillar furðu að það var dimmt úti. Kuldi og dimma þýðir bara eitt að landið er að leggjast í vetur.

Í dag er tæp vika síðan við félagarnir komum heim úr ferðinni miklu og vikan hefur verið notuð í slökun og afslöppun. Ég fór beint uppá hálendið í veiði þegar ég kom heim úr ferðinni. Harkan 6 með veiðistöng í hendi í skítakulda og hávaðaroki. Samt alveg yndislegt að vera kominn heim :)

Ég reyni mitt besta til að nota síðustu dagana í fríinu til hins ítrasta og er búinn að liggja á kaffihúsum og poolstofum síðan ég kom í bæinn. Núna eru nánast allir farnir útúr bænum nema örfáir góðir vinir og við munum gera okkar besta til að halda bænum heitum þar til allir koma til baka.

Meira er það ekki í bili en ég lofa góðum færslum á næstu dögum þegar það er runnið af mér eftir ferðina ;)

Slökun í hæsta gæðaflokki

Við áttum ansi áhugavert kvöld í gærkvöldi. Ég eins og alla síðustu daga mátti ekki drekka og reykja og þar af leiðandi varð ég eins og sýningargripur eða eitthvað þessháttar fyrirbæri í augum Íslendinganna á Jokers sem er skemmtistaður fullur af Íslendingum.

Við strákarnir sátum spakir eins og venjulega og tókum þátt í góðum og skemmtilegum samræðum. Reyndar rákum við okkur á þá leiðinlegu staðreynd að við vorum aldursforsetar við borðið þar sem allir aðrir voru bara 16-20 ára. En hvað með það, alltaf gaman að kynnast nýju fólki. Við ákváðum að breyta til og fórum á strandstaði og áttum þar mjög djúpar samræður um atvinnumöguleika, nám, vellíðan í starfi, markmið í lífinu, áætlanir, tilfinningar, vináttu og margt annað stórhættulegt fyrir fulla menn að tala um. Ég minni lesendur á að ég var bláedrú og skemmti mér konunglega yfir því að fylgjast með vinum mínum í þessum djúpu samræðum á svona tímapunkti. Nei í alvöru talað að þá er vináttan sem var í upphafi bara ennþá sterkari ef eitthvað er og þetta er búið að vera FRÁBÆR HÓPUR. Við erum nú þegar farnir að ræða næsta sumar.

Venjulegt fólk fór á strandstaðina til að dansa frá sér allt vit og við sátum úti í horni og ræddum spekingslega saman. Að því loknu skelltum við okkur aftur uppá Jokers að heilsa uppá litlu Íslendingana. Þá vildi það þannig til að hver einasta íslenska stelpa hafði yfirgefið svæðið. Það skipti okkur svosem litlu máli en afleiðingarnar var gaman að sjá. Allir íslensku strákarnir sem ekki nældu í stelpu þetta kvöldið höfðu breyst í "sanna blindfulla æsta Íslendinga". Einhver patti ætlaði að vaða í Henning og hann greyið vissi varla hvaðan á sig stóð veðrið. Hélt að gæinn væri að grínast. Þá komu tveir litlir tittir að segja okkur hvernig þetta "væri allt í lagi" og "hvað gæinn væri bara með minnimáttarkend" og "Þetta er í alvörunni snilldargaur". Svo stóð einhver annar strákur uppá borði og braut það, þriðji strákurinn stóð á stól og braut hann, Íslendingur og Breti slógust, Óli siðaði einn átján ára til með ræðu um hvernig á að hegða sér á djamminu, Henning hló að vitleysunni og vissi ekki hvað hann átti að gera, æsti strákurinn smellti borði í löppina á mér, baðst afsökunar, fór næstum því að gráta og bauðst til að borga mér 20 evrur.

Ég er alveg farinn að sjá það að sjarmur næturlífsins á Benidorm er mældur í prósentum og seldur í flöskum. Kanski að ég standi eitthvað sterkari að vígi í kvöld ;)

Myndirnar loksins komnar inn !

Jæja vinir og vandamenn. Þá eru loksins komnar inn myndir. Þið getið skoðað þær með því að velja myndaalbúm efst í vinstri dálki á síðunni eða með því að smella HÉRNA 

Nýjustu fréttirnar eru ekki miklar. Við erum búnir að slaka á á ströndinni og rölta um. Reyndar í gær að þá skrapp ég upp í verslunarmiðstöð og keypti mér föt. Hvítar buxur, rauð/hvít rósótt skyrta og bolur. Tískugenið var ekki alveg nógu öflugt í mér svo ég blikkað tvær íslenskar stelpur sem ég hitti til að hjálpa mér við fatakaupin. Allur pakkinn bara 30 evrur. Gott að hitta á útsölu í HM rowells.

Í gær vorum við ansi hressir og elduðum okkur hakk og spaghetti. Gott að fá heimilismat aftur. Í hamaganginum við eldavélina tókst mér að skvetta fullt af sósu yfir nýju hvítu buxurnar mínar. Eins og taugaveiklaður apaköttur stökk ég inn á klósett, vippaði mér úr buxunum og notaði allskonar húsráð við að ná blettunum úr. Ég meira að segja handþvoði buxurnar. Viti menn MÉR TÓKST AÐ NÁ ÖLLUM BLETTUM ÚR !!! Hvort sem það er árangur eða ekki fyrir 23 ára gamlann karlmann að þá er ég samt stoltur af mér. Þannig að nú get ég gengið um í hvítu buxunum mínum, rósóttu skyrtunni minni með sólgleraugun og úrið eins og hver annar eðalpervert hér á ströndinni.

Hafið það gott þarna heima og við sendum okkar bestu kveðjur til allra.

PS. Rakst á þessa áhugaverðu grein í Ítölsku blaði í dag... Ákvað að skanna hana inn !
Spurning hvort maður þurfi að hringja og láta vita af sér ???

Síðasta flakkið búið... Komnir á Benidorm !!!

Góðan daginn góðir hálsar. Við félagarnir erum nú staddir á Benidorm og eyddum fyrstu nóttinni okkar hér í nótt.

Við sigldum með ferju frá Civitavecchia (nágreni Róm) til Barcelona. Ferjan var vel búin veitingastöðum, sundlaug, börum, casino og kvikmyndasal. Hinsvegar var nógu fámennt á skipinu að nánast öll afþreying var lokuð. Við kynntumst um borð systkynapari frá Brasilíu. Þau eru á svipuðum aldri og við og við enduðum með að kenna hvort öðru spil. Þau kenndu okkur spil sem heitir Truco og við kenndum þeim nokkrar gerðir af Póker.

Þegar siglingunni lauk hoppuðum við í land í Barcelona og eltum Brasilísku vini okkar yfir á Hostel í miðbænum ásamt einhverri Bandarískri stelpu sem skaut allt í einu upp kollinum hjá okkur. Við fengum ekki inni á hostelinu en fundum annað sem var skítsæmilegt og við gistum þar. Ég er náttúrulega kominn á væna lyfjagjöf eftir spítalavistina og einhverra hluta vegna reis ég upp eins og hani næsta morgun. Sturta, tiltekt, pakka í tösku og tilbúinn í daginn. Strákarnir orðnir vel þreyttir og ekki búnir með tveggja daga slökun á Ítölskum spítala voru hundfúlir þegar ég reif þá upp úr draumalandinu. Við fengum okkur að borða og Henning greyið var kominn með svo mikla hálsbólgu að hann gat ekkert borðað nema súpu og brauð. Við skoðuðum Sagrada Famiglia kirkjuna og enduðum með að gefast upp á þeim tímapunkti.

Þegar við komum á lestarstöðina í gær í Barcelona var gífurlega mikil leit í töskum hjá fólki og mikið stress í gangi. Við eiginlega bara gáfumst upp á þessu lestarbulli öllusaman og fengum okkur bílaleigubíl eins og við höfðum pælt í áður. Prúttaragenið poppaði upp og ég gekk á milli bílaleiga til að ná niður verðum. Samt endaði þetta með að verða allt of dýrt. Og í gærdag lögðum við af stað í 550 km langa leið til Benidorm. Með aðeins einni vitlausri beygju sem ég reyndi mikið að fría mig ábyrgð frá (var samt mér að kenna) komumst við á áfangastað um tuttugu mínútur í tíu og ekki seinna að vænna þar sem stórmarkaðurinn með matvörurnar lokaði tíu.

Þegar við loksins komumst í íbúðina var byrjað að slaka á. Opnaðir voru bjórar og góð stund byrjaði. Hinsvegar var alveg ljóst að skv. læknisráði má ég ekki drekka áfengi, reykja sígarettur, fara úr miklum hita í mikinn kulda, úr miklum kulda í mikinn hita og svo framvegis. Það liggur við að ég megi ekki horfa á sætar stelpur þar sem það gæti valdið stressi og keyrt mig um koll. Það er þessi blessaða tognun á milli rifbeina eftir hóstaköstin sem er að drepa mig. En ég verð hress á næstu dögum og til í slaginn.

Bestu kveðjur frá okkur öllum og ég þarf að fara að standa við loforðið um myndirnar. Lofa þeim eigi síðar en 29.júlí 2008 !!! ;)

Bless bless
Helgi