Labbitúr til fortíðar !!!

Áðan tók ég ákvörðun um að kíkja í heimsókn til mömmu og pabba. Ég ákvað líka að fara fótgangandi í þetta skiptið þar sem ég er orðinn svo rosalega duglegur og á fullu í megrun. Það er nú samt ekki  eins og stór sigur hafi verið unnin þar sem við búum öll í grafarvoginum svo ekki var um nema 15-20 mínútna labb að ræða.

Er ég nálgaðist foldahverfið nálgaðist ég heimaslóðir. Ég gekk uppí Fannafoldina og sá þar allt í einu göngustíg sem lá inn í miðjuna á hverfinu. Þessi göngustígur fangaði augað mitt eitt augnablik og það var eins og hann kallaði á mig "Manstu eftir mér ???". Forvitnin rak mig áfram og ekki af því ég hafði ekki séð hann áður heldur af því ég hafði ekki séð hann í langan langan tíma og hafði gleymt tilvist hans á þessari jörð. Þarna lék ég mér sem barn. Þarna var holtagrjót í hæðum þar sem ég lék mér í 5 ára gamall og svo aftur 7 ára þegar ég flutti í Grafarvoginn í annað sinn. Þarna var leikskólinn sem ég var ekki á en lék mér alltaf við.

Þegar ég gekk lengra nálgaðist ég íbúðir og hús sem vinir mínir og vinkonur bjuggu í þegar ég var lítill. Ég sá blokkirnar þar sem sætu stelpurnar bjuggu sem ég var skotinn í og rólóvöllinn þar sem strákarnir spiluðu fótboltann. Ég horfði löngunaraugum á rólurnar og óskaði þess að ég gæti rólað mér þó það væri ekki nema eitt skipti í viðbót... En hvað mundi fólk segja... Þvílíkt og annað eins... Heilsíða í DV þar sem BARNAPERRI er fyrirsögnin "Tælir börnin á rólóvellinum"... Sama hvað maður segði hefði maður enga afsökun fyrir að vera svona gamall að róla sér... Eða hvað ?

Hugurinn stoppar hér og þar og skoðar en tveir jafnfljótir fætur bera mig áfram og draga hugann á eftir sér. Ég geng framhjá rólóvellinum og inn eftir göngustíg á milli garða og ég velti fyrir mér allir þessir fallegu og snyrtilegu garðar sem fólk hefur sett sinn metnað í. Þvílík synd að fólk missi af þessari dýrð. Enginn getur notið þessa því ef við áttum okkur á því að þá er ekki hægt að sjá fallegan garð þegar þú þýtur um á 30-50km hraða í sjálfrennireið af Toyotu gerð. Þvílík synd. Labbitúrinn hjá meðaljóninum miðast við 2 mínútna labb út í bílinn.

Alltí einu sé ég glitta í húsið hjá mömmu og pabba. Ég er að verða kominn heim. Það er nánast eins og ég heyri í mömmu útí dyragættinni að kalla á mig HELGI....................... MATUR........... Vá hvað þetta er góð tilfinning. Ég er að verða lítill strákur aftur.

Köld vindkviða blæs beint framaní andlitið á mér og ég hugsa. Ansi er orðið napurt og fjölmiðlamennirnir vilja meina að þetta haldi áfram. Ætli nýja ríkisstjórnin geti ekki kippt þessu í lag... hehe....

OG ÞÁ BÚMMMM..... Þetta var fyrsta fullorðins hugsunin sem ég hafði fengið frá því litli sæti göngustígurinn tældi mig í fortíðarsýn. Ég er ekki lítill strákur lengur. Þessi tími er búinn. En ég á alltaf minningarnar og með minningarnar að vopni get ég upplifað heilan áratug af æskudraumum í einum stuttum göngutúr heim til mömmu og pabba.

Vinstri-grænir handtóku yfir 30 háttsetta Sjálfstæðismenn

Vinstri grænir handtóku yfir 30 háttsetta Sjálfstæðismenn, þar á meðal Þorgerði Katrínu, menntamálaráðherra ríkisstjórnar Sjálfstæðisflokksins og Samfylkingarinnar, í aðgerðum á Austurvelli í nótt. Tveir aðrir þingmenn og þrír borgarstjórar eru meðal hinna handteknu. Vinstri grænir segja að aðgerðirnar og handtökurnar hafi verið vegna þess að embættismennirnir studdu byggingu virkjunar á Kárahnjúkum.

Íslenska ríkisútvarpið RÚV hefur eftir eiginmanni Þorgerðar Katrínar, að hermenn hafi barið að dyrum í nótt og farið á brott með konu hans. Þeir hafi sagt henni að þeir væru að hlýða skipunum. Þeir lögðu einnig hald á tölvu ráðherrans.

Þorgerður Katrín, sem var menntamálaráðherra í fyrri ríkisstjórn Sjálfstæðisflokks og Framsóknar, var einnig handtekinn í ágúst á síðasta ári en látinn laus mánuði síðar.

 

Af hverju eru aldrei svona fréttir á Íslandi ???   Það er bara röflað í fjölmiðlum hérna !!!

Ísraelsmenn handtóku yfir 30 háttsetta Hamas-liða

Eigendur páfakauka athugið !!!

Verið er að rannsaka hvort fuglar, sem fundust dauðir í norðurhluta Wales, hafi drepist af völdum fuglaflensu.

Eigendur páfagauka eru vinsamlegast beðnir um að halda fuglunum sínum innandyra til að forðast faraldur. Ferðamálaráð Íslands hefur skorað á landsmenn að taka fuglana sína ekki með í fríið þar sem fuglaflensa virðist útbreydd víðsvegar um heiminn.

Verið er að rannsaka hvort fuglarnir sem fundust í Wales hafi látist úr fuglaflensu eða hvort þeir hafi bara horft á enn einn breska gamanþáttinn á BBC og drepist úr leiðindum.

Óttast að fuglaflensa hafi brotist út í Wales

VÁ HVAÐ ÉG ER FEGINN !!!

Það eru svoleiðis draumarnir hjá kærustunni um drauma brúðkaupið að ég hélt að hún mundi fara á límingunum ef ég mundi bíða framundir þrítugt. En þetta er glæsilegt. Forsíða morgunblaðsins var að enda við að gefa mér hamingjusöm 10 ár í viðbót þar sem ég þarf greinilega ekki að gifta mig fyrr en ég verð 34 ára ef ég vill vera meðalmaður í þessu þjóðfélagi.

Ánægjan skín svoleiðis úr hjarta mínu að ég er að spá í að senda öllum sem ég þekki ekkiboðskort þar sem ég býð þeim ekki í brúðkaupið mitt því ég þarf ekki að halda það fyrr en eftir áratug. Þvílík hamingja að ég ræð ekki við mig. Þetta er eins og dæmdur fangi sem þarf að afplána lífstíð en ekki fyrr en þarf ekki að mæta til afplánunar fyrr en eftir áratug svo hann getur brotið af sér í tíu ár í viðbót.

Gleðin er þvílík að ég er að spá í að baka brúðkaupstertu og gefa einhverjum brúðhjónum hana bara til að vera góður við minnimáttar. Því þau eiga ekkert heldur en hvort annað... Þá er gott að eiga eina köku líka svona til sárabóta.

En svona í alvöru talað að þá er gifting ekkert stórmál. Svo ég legg til að ég og kærastan setjumst saman niður og ræðum þessi mál á alvarlegu nótunum. Ég legg til að við tölum saman 15.júní .............................. 2017 !!!!

Meðal giftingaraldur kvenna tæp 32 ár og karla 34 ár

Einn maður er ég sé eftir !!!

Þrátt fyrir að Sjálfstæðisblóðið renni í æðum mínum verð ég að viðurkenna söknuð eftir einum framsóknarmanni. Það er hann Jón fráfarandi formaður Framsóknar. Bitur er hann þessa dagana því hann var kominn í lykilstöðu til að rífa upp flokkinn og svo náði karlinn ekki einusinni kjöri. Það fannst mér synd og skömm en ég votta honum alla mína virðingu. Ég hef heyrt manninn tala og ég tel að þar fari miklir vitsmunir á milli eyrna. Ég trúi því að hann sé einn af síðustu sénsum Framsóknar og því miður séns sem er tapaður hérmeð.

Annað sem ég tek eftir þessa dagana er óþrjótanlegt bros á Samfylkingarmönnum. Velkomin í ríkisstjórn vil ég segja við ykkur. Standið ykkur nú eins og hetjur og sannið að þið eruð ekki einn stór hrærigrautur og orðin tóm eins og maður hefur nú lesið um í fjölmiðlum. Ég er alveg viss um að ykkar hugmyndir með styrk Sjálfstæðisflokksins geti gert landið okkar betra. Öðruvísi en með Sjálfstæðisflokknum hefði ég ekki viljað sjá Samfylkinguna í stjórn því þrátt fyrir góðar hugmyndir verður að hafa góðan bakgrunn og ég tel að þekking, reynsla og fjármálavit sem tíðkast innan Sjálfstæðisflokksins eigi eftir að gefa ykkur góðan meðbyr til farsæls stjórnarsamstarfs.

Ég nenni ekki að röfla meira... Læt það í hendur stjórnmálamanna þessa dagana því þeir virðast hafa nóg eftir ósagt !

PS: Fáum fjölbreyttari og hnitmiðaðari pólitískar umræður í fjölmiðla allt tímabilið en ekki bara fyrir næstu kosningar.

Stjörnuslúður um Pitt & Jolie ásamt snert af Paris Hilton !

Ef ég fengi eina spurningu til að spyrja Brad Pitt þá yrði hún bókað "AF HVERJU HÆTTIRU MEÐ JENNIFER ANNISTON". Það er bara eitt löglegt svar við þessari spurningu "JOLIE ER MEÐ SVO FLOTTAR VARIR". Önnur svör eru dæmd ómerk og dauð.

Ef ég fengi eina spurningu til að spyrja Angelinu Jolie þá yrði hún bókað "HVER KENNDI ÞÉR AÐ VELJA KARLMENN... FYRST BILLY BOB THORNTON OG SVO HINN ÚTBRUNNI BRAD PITT". Það er bara eitt löglegt svar við þessari spurningu "ÞETTA ER RÉTT HJÁ ÞÉR, REDDAÐU MÉR ÍSLENSKUM KARLMANNI"

Í öðrum fréttum ber að nefna nýjasta Íslandsvinin hana Paris Hilton. Nú hafa Íslensk stjórnvöld freistað gæfunnar með því að bjóða Paris Hilton íslenskan ríkisborgararétt gegn því að flýja til Íslands. Með þessu getur hún flúið Bandarísk stjórnvöld og þ.a.l. bandarísk fangelsi. Ástæðan er markmið stjórnvalda til að gera Ísland sýnilegra á alþjóðagrundvelli, svara Bandaríkjamönnum dissinu með að skilja okkur eina eftir með heygafla og Bobby Fischer er orðinn einmanna á að vera eini Bandaríski flóttamaðurinn hér á landi.

Mikill áhugi á Pitt og Jolie í Cannes

Tökum saman höndum og berjumst !!!

Paul Watson heldur að hann geti komið hingað norður og gert allt vitlaust. Ég held nú ekki. Ég boða til sameiningar okkar landsmanna. Hitum upp víkingablóðið í okkar æðum og sínum Paul Watson af hverju við erum í gegnum mannkynssöguna búin að vaxa og dafna í að vera öflug þjóð á alþjóðagrundvelli. Berjumst saman gegn honum og tökum mannhelvítið úr umferð !!!

Við erum tilbúnir til að hætta lífinu til að stöðva hvalveiðar Íslendinga

Afsakið hlé !!! Langt síðan ég bloggaði !!!

Ég er farinn að minna sjálfan mig á RÚV hér á árum áður þegar "Afsakið hlé" skjámyndin var ekki óalgeng. Það hefur ekki heyrst í mér í alltof langan tíma. Ég velti fyrir mér ástæðum þess og ég held að ástæðan sé einföld. Ég er ennþá að jafna mig á fréttum þess efnis að Sjálfstæðisflokkurinn geti mögulega hafið ríkisstjórnarsamstarf með Samfylkingunni. En í dag fékk ég hugljómun sem snart mig á máta sem ég hef ekki verið snertur áður... BREYTINGAR ERU KANSKI EKKI SLÆMAR !!!

Líkt og sagt hefur verið í fréttum hefur Framsóknarflokkurinn dalað töluvert á síðasta kjörtímabili og ekki hjálpaði til innanbúðar rígur hjá þeim félögum. Meira að segja Dóri brosmildi sagði af sér embætti Forsætisráðherra þar sem hann tók ábyrgð á fylgistapi Framsóknar í Sveitastjórnarkosningunum fyrir ári síðan. Kanski að Sjálfstæðisflokkurinn hefði ekki verið í stjórnanda hlutverki með Framsókn og aðeins einum manni í meirihluta þar sem Framsókn er á hálum ís. Einnig tel ég að Sjálfstæðisflokkurinn geti að mörgu leyti bætt margar hugmyndir Samfylkingarinnar með íhaldssamri hugsun ásamt því að Samfylkingin geti létt á aðhaldi Sjálfstæðismanna og snúið þeirra ágætu vegferð til farnaðar yfir á meira "People oriented" braut.

Ég fagna þessu nýja samstarfi og vonast innilega til að þetta samstarf náist sem fyrst svo það geti blómstrað.

Að bera ábyrgð !!!

Er ég lá í rúmi á kosninganótt og fylgdist með tölum hoppa og skoppa á meðan ríkisstjórnin hélt og féll til skiptis fór ég að velta fyrir mér hugtakinu ábyrgð. Ég kaus sjálfstæðisflokkinn eins og ég hef gert áður því ég tel þá bera góða ábyrgð á fjármunum og hagsmunum þjóðarinnar sem heild. En ég hugsaði lengra og hugurinn reikaði suðvestur yfir Atlantshafið í borgina Washington þar sem Bandaríkjaforseti George W. Bush situr við stjórnina. Þar hefur stríðsrekstur verið ansi áberandi í hans stjórnartíð. Hann ber að hluta til ábyrgðina að stilla til friðar í heiminum þar sem Bandaríkjamenn hafa stimplað sig inn sem stóri bróðir sem skiptir sér að öllum alþjóðamálum með róttækum aðgerðum. Bandaríkjaforsetar hafa hinsvegar haft mismunandi stjórnunaraðferðir og má þá helst nefna kollega hans John F. Kennedy sem lagði mest uppúr friði (og einstöku gestkomandi kvennmanni í Hvíta húsinu) og náði sáttum í Kalda stríðinu og forðaði þannig heiminum frá kjarnorkustyrjöld. Frá George W. Bush flaug hugurinn aftur Austur yfir Atlantshafið, inn fyrir botna Miðjarðarhafs og alla leið til Íran og N-Kóreu. Þar sitja menn við stjórnina sem styðja auðgun úrans og þeir bera ábyrgðina á að misnota ekki þann kraft með því að búa til kjarnorkuvopn en einnig bera þeirra eftirmenn ábyrgðina á að misnota ekki nýfengið vald. Skv. tölulegum upplýsingum sem ég las á internetinu er til nóg af kjarnorkuvopnum til að sprengja jörðina 14 sinnum í loft upp. Ef það er satt og rétt að þá hvílir ansi mikil ábyrgð á fáum þjóðarleiðtogum. Hvernig geta svo mörg líf hvílt á herðum svo fárra manna. Hvernig er það líf að hafa sem atvinnu ábyrgð lífs heimsbyggðarinnar á herðunum. Hvernig er það að bera ábyrgð á lífi ? 

Hugurinn reikaði aftur heim til Íslands þar sem ég skoðaði mitt nánasta umhverfi. Með nýrri sýn á lífið sá ég hvað ábyrgð er stórt og víðtækt hugtak sem teygir sig víða. Að bera ábyrgð á lífi nær til svo margra. Flugmaðurinn sem skutlar mér í sumarfríið tekur ábyrgð á nokkur hundruð manns í hvert skipti sem hann flýgur í loftið og sinnir þannig starfinu sínu. Hann veit að mistök geta kostað alla farþegana lífið en þetta er hans vinna og lifibrauð. Rútubílstjórinn sem keyrir um landið ber ábyrgð á lífi hvers og eins farþega sem í rútuna stígur. Hann getur vandað sig mikið við að gerast ábyrgur og traustur bílstjóri en hann getur aldrei fyrirséð alla hina í umferðinni, hann getur bara gert sitt besta. Svo erum það við sjálf. Í hvert skipti sem ég ræsi bílinn með farþega hef ég sjálfkrafa tekið ábyrgð á lífi farþegans. Furðulegt hvernig einn bíltúr getur haft sterkann tilgang og mikið mikilvægi. 

Næst þegar ég brýt vasa ætla ég að viðurkenna mistökin mín fúslega og taka ábyrgð á mínum gjörðum því þegar litið er á björtu hliðarnar að þá tapaði ég a.m.k. ekki mannkyninu !

Kosningaráróður !

Nú ber vind að seglum og flekinn sem við siglum á í gegnum ólgandi hafsjó tímans ber okkur að kosningardegi með eurovision þema. Við fylkjumst liði í íþróttahús og skóla og minnum helst á sauði í réttum. Við gefum okkar álit og atkvæði og snúum svo aftur í kalda tilveruna, bítandi á jaxlinn, vonandi að okkar atkvæði hafi gert eitthvað gagn fyrir okkar menn. Spennan magnast og talning atkvæða hefst á meðan þjóðin situr límd fyrir framan imbakassann með snakk og ídífur og bíður þess að vita hvort hægristjórnin haldi velli eða hvort hálfvitunum hafi tekist ætlunin og að við séum á hraðbyri til glötunar með vinstristjórn.

Á meðan neglur eru nagaðar og sviti perlar á ennum stjórnmálaþyrstrar þjóðar sér Eiríkur rauði um að halda veislunni gangandi með framlagi sínu til eurovision. Þjóðin vonar heitt og innilega að Eiríkur fái meira fylgi í Eurovision heldur en Framsókn fær í kosningunum. Samfylkingin íhugaði mikið að segja Ingibjörgu Sólrúnu úr flokknum eftir slæma frammistöðu Silvíu nóttar í Eurovision í fyrra. Þeir sáu að það er ekki sniðugt að bjóða fram furðulega útlítandi persónur.

XD og vandinn er leystur !