Þeir bara þekkja okkur ekki !!!

Við erum of góðu vön og við mundum bara búa á götunni til að geta sparað pening fyrir fjallaferðir, veiðiferðir, golfferðir, gönguferðir, sunnudagsbíltúra, óbyggðaferðir, hálendisferðir, tjaldútilegur, river rafting, siglingar, skotveiðiferðir og önnur áhugamál villtra útivistaríslendinga.

Við erum kolbiluð og það er æðislegt !

Háfjallajeppamenning í hættu?

Hringferð í sumar

Hæhó vinir og vandamenn.

Eftir vandlega umhugsun og ráðfæringar með betri helmingnum höfum við ákveðið að stíga ekki um borð í flugvél þetta sumarið þar sem Evran hefur mikið sjálfstraust þessa dagana. Við ákváðum í staðin að leggja land undir fót og fara hringveginn. Það er alveg ótrúlegt hvað það er ennþá margt sem maður á eftir að skoða hérna heima. Ég mun síðar setja inn upplýsingar fyrir áhugasama um hvernig þessari ferð verður háttað en það verður leitað á sögufrægar slóðir ásamt því að skoða ýmis söfn og annað tilheyrandi. Splæst verður í einhverjar ævintýralegar ferðir líkt og fjöruflakk á fjórhjólum, bátsferðir í eyjar og riverraftring.

Ferðasögur væntanlegar í sumar :)

Hvað varð um fyrirgefningu og bara almenna skynsemi ?

Það var verið að kasta eggjum, þetta er svipað djók og ég mundi segja og það var bullandi hasar í gangi... Erum við svona sjúk í að finna blóraböggul að indælis fréttakona þarf að segja starfi sínu lausu útaf einni setningu hvort sem hún var meint í alvöru eða djóki ???

Ég er feginn að starfa í umhverfi þar sem ég get bætt upp fyrir möguleg mistök með því að leiðrétta þau eða passa mig í framtíðinni. Mér finnst þetta hrikalegt fyrir hana sem persónu að glata starfi sínu útaf einni smávægilegri setningu !!!

Stattu þig Lára... Þú gerir bara betur á næsta stað :)

Hættir sem fréttamaður á Stöð 2

ÉG ER ALMENNINGUR...

...OG ÉG ER BÚINN AÐ FÁ NÓG !!!

Ég skal glaður taka þátt með hverri mögulegri leið í að halda áfram því yfirvöld mega ekki komast upp með svona aðgerðir !!!

„Alltof harkalegar aðgerðir“

Lögregluríki !!!

Auðvitað færist hiti í menn þegar víkingasveitin mætir á svæðið til að sporna gegn mótmælum. Mótmæli trukkabílstjóra hafa ekki verið neitt annað en friðsamleg allan tímann þótt að sannarlega hafi þau verið óþægileg í umferðinni en stundum þurfa menn að gera eitthvað róttækt til að koma skilaboðum á framfæri.

Hvar eru stjórnmálamenn og þeirra umræða í fjölmiðlum um þessi mál? Oftar en ekki sér maður æðstu menn í löndum koma beint í fjölmiðla með umræður um lausnir þegar mótmæli breyðast út því við sem mótmælum erum jú einu sinni vinnuveitendur stjórnmálamannana.

Mitt álit er að lögreglan hafi í undirgefni sinni við valdstjórnina gefið eftir og leikið af sér með þessum aðgerðum. Lögreglan spreyjar piparúða yfir fjöldann í beinni útsendingu í fjölmiðlum og er það væntanlega gert að hluta til sem hræðsluáróður fyrir framtíðarmótmæli. Það þykir táknrænt að spreyja piparúða á fólk og þá segi ég á móti táknrænt fyrir baráttuna að greyið löggimann hafi fengið grjótið í höfuðið. Því miður löggimann en sumir þurfa að blæða fyrir málstaðinn !!!

Lögreglumaður á slysadeild

WHAT ?!?!?!?

Ég hef heyrt að íslenska fótboltaliðið tapi leikjum í útlöndum af því "þeir eru ekki vanir svona miklum hita". En í íshokkí leik gegn SPÁNVERJUM höfum við ENGA AFSÖKUN !

Töpuðu naumlega fyrir Spánverjum

Dónakvöld á Akureyri föstudaginn 11. apríl

http://fyndinn.com/

Pæling !

Í þorpi einu birtist einu sinni maður og kvaðst vilja kaupa apa af þorpsbúum á 1000 krónur stykkið.
Þar sem mikið var um apa í nágrenni þorpsins, fóru þorpsbúar að veiða apana og selja manninum þá.
Maðurinn keypti þúsundir apa af þorpsbúum á 1000 krónur, en þegar framboðið fór að minnka, bauðst maðurinn til að borga 2000 krónur fyrir apann. Aftur jókst framboðið um tíma, en síðan minnkaði það enn frekar og hætti síðan alveg þar sem erfiðara var fyrir þorpsbúa að finna fleiri apa til að selja.
Maðurinn tilkynnti þá að hann mundi borga 5000 krónur fyrir hvern apa sem hann fengi, en hann þyrfti að skreppa frá í smá tíma og aðstoðarmaður hans mundi sjá um kaupin á meðan.
Eftir að maðurinn var farinn, hóaði aðstoðarmaðurinn þorpsbúum saman og bauðst til að selja því apana, sem voru geymdir í búrum, á 3500 krónur stykkið. Fólkið gæti svo þegar maðurinn kæmi aftur selt honum apana á 5000 krónur. Þorpsbúar söfnuðu því saman öllu sínu sparifé og keyptu apana af aðstoðarmanninum.
Síðan hefur ekkert spurst til mannsins eða aðstoðarmannsins.
 
Núna veistu allt um hvernig hlutabréfamarkaðurinn virkar.

Frábært mál !!!

Lokið alþingishúsinu strákar fyrst þið máttuð það ekki um daginn... Halda baráttunni áfram.

Ps. mér finnst það flott hjá N1 að hafa boðið ódýrara bensín í gær. Það var tekið á móti mér með brosi, dælt á bílinn minn og mér boðið uppá kaffi í N1 Grafarvogi í gær.

N1 mætti gera þetta oftar næstu daga til að aðstoða við baráttuna um bensínverðið.

Aðgengi takmarkað

Ja hérna !!! Ég á stóra skúffu segir Sturla !!!

Ég var staddur niðri í bæ í dag og tók þátt í þessum mótmælaaðgerðum en ég verð því miður að vera sammála konunni frá 4x4 um að þetta muni engann árangur bera. Þetta eru ástæðurnar og rökin.

1. Þegar Sturlu var afhent dekkið var honum tjáð að dekkið væri nógu stórt til að því yrði ekki stungið ofaní skúffu. Ég veit ekki hvort Sturla hafi verið að vanvirða mótmælin eða að hann sé hreinlega svona rosalega heimskur að hann sagðist eiga stóra skúffu. Er þetta einbeittur vilji til að hunsa mótmælin? A.m.k er ég farin að skilja af hverju honum var sópað undir teppið innan sjálfstæðisflokksins og settur í hlutverk forseta alþingis.

2. Á leið minni heim hlustaði ég á útvarpsfrétt frá borgarráðsfundi í ráðhúsinu. Þar truflaðist ræðumaður við flaut í bílum, flissaði lítillega og sagðist varla heyra í sjálfum sér hugsa. Annar fundarmaður sagði þá hátt og snjalt í bakgrunni "Þú ert ekki að missa af neinu". Eru s.s. mótmæli borgarbúa og landsmanna bara djókur? Já því stjórnmálamenn vita að þeir komast upp með að gera ekki neitt í þessu!

3. Mótmælin voru skipulögð í samráði við lögreglu og fóru friðsamlega fram. Hvenær í fjandanum hafa friðsamleg mótmæli sem eru ekki róttæk skilað árangri á Íslandi. Þetta verður ekkert annað en uppfyllingarfréttaefni þangað til Angelina Jolie verður ólétt eða að Justin Timberlake kemur út úr skápnum. Önnur áhrif hefur þetta ekki.

4. Bílar keyrðu á annari akreininni á Sæbrautinni alla leið niður í bæ þar sem okkur var synjað um að keyra framhjá Alþingishúsinu til að mótmæla. Af hverju í fjandanum máttum við ekki fara framhjá Alþingishúsinu? Var til of mikils mælst að stjórnmálamenn þyrftu að hlusta á flautið í bílunum því ekki mega þeir missa af kvöldmatnum og þeir munu hunsa þetta hvort sem er.

Þetta er rugl og vitleysa og ég hvet alla til að taka til hendinni og taka þátt í öllum þeim mótmælaaðgerðum sem verða kynntar á næstu dögum. Ég vona innilega að trukkabílstjórarnir haldi áfram. Mér fannst það frábært að haldið hefði verið áfram eftir Austurvallar bullið.

En mótmælin á Austurvelli voru skrautleg. Á leið minni frá bílastæðinu Lækjargötu varð ég vitni að tveimur handtökum frá óeinkennisklæddum lögreglumönnum. Mér þótti nú ansi harkalega tekið á þeim handteknu en þeir voru sparkandi frá sér þannig að þeir geta sjálfum sér um kennt. Á Austurvelli hafði svo einhver kastað eggi í alþingishúsið og rannsóknarlögreglan sjálf var mætt á svæðið að taka myndir. Í öllum þessum mótmælum var einu eggi kastað og RLR þurfti að taka myndir af því. Kostulegt þetta litla sker okkar.

Rónaslagsmál voru tíð á Austurvellinum enda partý hjá rónunum. Allir komnir saman í miðbæinn og hiti í mönnum. Rónarnir gengu manna á milli og spjölluðu, jafnvel um mótmælin miklu á Austurvelli, og vínandinn elti þá um götur og torg.

Þetta var fyndinn dagur og það er örugglega stjórnmálamönnum sem finnst hann fyndnastur á meðan þeir sitja í koníaksstofunni og sötra Camusinn sinn á meðan trukkabílstjórarnir flauta og eyða bensíni í mótmælin því þetta er jú einu sinni gróði fyrir þá. 

Mótmælt við Austurvöll