Kosningaráróður !

Nú ber vind að seglum og flekinn sem við siglum á í gegnum ólgandi hafsjó tímans ber okkur að kosningardegi með eurovision þema. Við fylkjumst liði í íþróttahús og skóla og minnum helst á sauði í réttum. Við gefum okkar álit og atkvæði og snúum svo aftur í kalda tilveruna, bítandi á jaxlinn, vonandi að okkar atkvæði hafi gert eitthvað gagn fyrir okkar menn. Spennan magnast og talning atkvæða hefst á meðan þjóðin situr límd fyrir framan imbakassann með snakk og ídífur og bíður þess að vita hvort hægristjórnin haldi velli eða hvort hálfvitunum hafi tekist ætlunin og að við séum á hraðbyri til glötunar með vinstristjórn.

Á meðan neglur eru nagaðar og sviti perlar á ennum stjórnmálaþyrstrar þjóðar sér Eiríkur rauði um að halda veislunni gangandi með framlagi sínu til eurovision. Þjóðin vonar heitt og innilega að Eiríkur fái meira fylgi í Eurovision heldur en Framsókn fær í kosningunum. Samfylkingin íhugaði mikið að segja Ingibjörgu Sólrúnu úr flokknum eftir slæma frammistöðu Silvíu nóttar í Eurovision í fyrra. Þeir sáu að það er ekki sniðugt að bjóða fram furðulega útlítandi persónur.

XD og vandinn er leystur !

Ég er ekki asni !!!

Mér fannst það alveg rosalega töff að reykja þegar ég var unglingur. Reyndar fannst mér það líka rosalega töff þangað til ég var orðinn tvítugur. Svo allt í einu ákvað ég að hætta !

Af hverju ????

Því ég var að breytast í þetta ! 

 Ég reykti eins og ég ætti lífið að leysa og á milli sígaretta fékk ég mér skyndibita. Maginn tútnaði út og ég var við að líta svona út !!!

 

Svo ákvað ég að breyta um lífsstíl. Ég fór að uppgötva að hvítar tennur eru bara miklu flottari. Þessvegna segi ég nei við sígarettum og nammi. Svo vita allir að snickersið sest bara beint á rassapúðana.

 

Ég er byrjaður að borða grænmeti, salöt, ávexti og hollari mat almennt. Nýr og breyttur lífsstíll og eftir aðeins 11 daga lít ég svona út !!!

Nei kanski ekki alveg... En ég er að minnsta kosti ekki asni lengur !!!

Feministar mótmæla !!!

Nýjar rannsóknir breska vísindamannsins Timothy Taylor benda til þess að Steinaldarmenn hafi lifað fjörugu kynlífi. Fólk á þessum tíma hafi stundað hópkynlíf, haldið kynlífsþræla og notað kynlífsleikföng. Þessu mótmæla Feministar allharkalega og segja það vera hreina og beina móðgun að segja mannkynið hafa komið af pervertum og villimönnum. Þær segjast vera komnar af Steinaldarkonunni sem var hugguleg og sjálfstæð í alla staði og neitaði að taka þáttí klám og kynlífsiðnaði.

Niðurstöður úr nýrri fornleifarannsókn benda til þess að Steinaldarmenn hafi ætlað sér að halda kynlífsráðstefnu í hellinum Hótel Fornsaga en steinaldarkonan píndi steinaldarbændur til að úthýsa steinaldarmönnum og steinaldardruslum. Þessi steinaldarkona gat af sér óheilbrigt afkvæmi sem reyndist afbrigði í þróunnarsögunni eða svokallað Homo Feministas. Þetta afbrigði finnst í flestum þjóðfélögum en er afar lítill og hávær minnihlutahópur í þeim flestum.

Gautur Gautsson talsmaður kynlífsleikfangabúðarinnar Á milli fóta segir margar nýjar hugmyndir hafa kviknað og að mikil eftirspurn sé eftir nýju steinaldarleikföngunum sem hann hefur hafið framleiðslu á. "Ég hefði aldrei trúað því að steinar gætu komið í stað plastsins" segir Gautur hinn kátasti. "Leikföngin okkar fást í þremur stærðum smásteinn, holtagrjót og stuðlaberg. Karlpeningurinn býður einnig þrælspenntur eftir nýju tegundinni Holursteinn en það mun taka nokkur ár að framleiða þá línu hjá okkur því eins og menn vita er dropinn ekki snöggur að hola steininn."

Siv Friðleifsdóttir segir Framsóknarflokkinn vera á móti kynlífi og klámi en hinsvegar styðja valfrelsi einstaklingsins og óskar hún því eftir atkvæðum.

Uppfærtt:
Máli mínu til stuðnings um feminista vil ég benda á eftirtaldar bloggsíður !!!

http://hugsadu.blog.is/blog/hugsadu/entry/193355/
http://ingibjorgstefans.blog.is/blog/ingibjorgstefans/entry/193310/

Góða skemmtun en ekki taka þessu of alvarlega !!!

Steinaldarmenn lifðu fjörugu kynlífi

Nýr Íslandsvinur !!!

Jæja þá... Það er þó kominn tími til að við eignumst nýjan Íslandsvin... Síðan við fórum að veiða hvali erum við búin að eignast alltoft marga Íslandsóvini !!!

Af hverju er það orð ekki notað í fjölmiðlum !!!

"Íslandsóvinurinn Robbie Williams var ósáttur við Íslenskt land, þjóð og menningu. Þeir sem trufla hann á sviðinu mega brenna í heitasta Take That helvíti þar sem allir skrattar eru samkynhneigaðri en andskotinn."

Nancy Pelosi íhugar Íslandsheimsókn

Nýjustu fréttirnar af frónni !!!

Mánudagur til mæðu rann upp á það skemmtilegan máta að ég var varla að trúa því að um mánudag væri að ræða. Það var algjör föstudagsstemning í mér. Síðan var mér óvart litið á dagatalið þegar ég mætti í vinnuna og sá þar mér til mikillar undrunar að á morgun er 1. maí og þessvegna frídagur. Hinsvegar er það ekki ástæðan fyrir þessari taumlausu gleði minni í morgun.

Ástæðan fyrir þessum óvænta hressleika mínum er einföld. Ég er nánast búinn að hósta upp öllu slímdrasli sem hefur hrjáð mig á meðan reykingarferli mínu stóð, ég er nánast laus við alla löngun í sígarettur á mettíma, ég vaknaði í dag á 9. reyklausa deginum mínum í röð og ég fattaði að í lok dags í dag hef ég sparað mér 5.400 kr.

Ég fór að leika mér að tölum og komst að því mér til mikillar undrunar að í byrjun ágúst þegar ég fer í sumarfrí mun ég eiga auka 60.600 kr. Ég veit nú ekki betur en að það séu flugseðlar fyrir tvo til Spánar þannig að ef til vill get ég leyft mér að fara til útlanda í sumar ef það liggur vel við höggi gagnvart öðrum málum.

Þannig að ég þarf að finna mér leið til að safna eyðslufé. Ég þyrfti að mana Stefaníu í að hætta að borða nammi og safna þannig auka 180.000 kr. fyrir ágúst.

Aðrar fréttir eru þær að ég er alvarlega að hugleiða Háskólanám með vinnu n.k. haust. Ég hef bæði verið að kynna mér nám í Háskólanum í Reykjavík og Háskólanum Bifröst þar sem bæði viðskiptafræði og tölvuvísindi koma til greina. Þrátt fyrir að ég hafi brennandi áhuga á tölvunum er viðskiptavitið mitt alltaf að pota í mig og spyrja hvort ég sé orðinn viti mínu fjær að fikta í tölvugörmunum. Á sama tíma er tölvuvitið mitt að horfa á viðskiptavitið mitt eins og hvern annan vírus sem þarf að eyða. En svo er alltaf spurning hvort maður sameini ekki tvo hæfileika og verði tölvubusinessmann í businessmannatölvuheimi !!!

Amma varð 65 ára í gær og okkur skötuhjúum var boðið í glæsilegan brunch á Nordica Hóteli. Þar hittumst við fjölskyldan og átum á okkur gat. Amma var hin kátasta og bauð okkur öllum í heimsókn að máltíðinni lokinni. Eins og fjölskyldunni minni er einni lagið voru færðar veitingar á borð þegar heim til hennar var komið þó að flestir hafi borðað 2-3 diska af mat í hlaðborðinu. Þegar ostabakkinn var látinn á borðið afþakkaði ég pent fyrir mig en þegar kökurnar voru opnaðar lét ég mig kurteislega hverfa. En það var frábært að hitta alla og eiga góða stund. Til hamingju með afmælið amma mín !

Við fengum gesti í gær. Bjarni, Svana og Steindór kíktu til okkar og borðuðu með okkur Ýsu í raspi með soðnum kartöflum. Mér tókst einhvernvegin að gera hið ómögulega. Ég sauð kartöflurnar það lengi að allt vatn bráðnaði niður og brann í botninn á pottinum. Ég hef bara aldrei vitað til þess að vatn gæti brunnið. Hinsvegar var auðvelt að hreinsa það úr það eitt er víst. Ég lærði þarna dýrmæta lexíu í matargerð. Ekki sjóða kartöflur í 50 mínútur eða lengur.

Nenni ekki að blaðra meira í bili. Gleðilegt sumar og hafið það gott í góða veðrinu.

Getur maðurinn aldrei bara sagt það sem honum finnst ???

Það er alveg ótrúlegt hvað hann Karl Sigurbjörnsson virðulegur biskup Íslands getur verið góður í að nota samlíkingar. En þegar allt sem þú segir kemur í samlíkingum að þá hugsa ég mig tvisvar um !!!

Kvaðst hann þó telja það sem sumir kalla hik og fálm fremur til marks um varfærni og ábyrgðarkennd. „Vilji menn róa saman þá varðar miklu að vita hvert skal stefna og að vera búinn staðsetningartækjum, kompás og kortum til að finna réttu leiðina," sagði hann. „Ef margir róa saman er mikilvægt að þeir séu sammála um markmiðið og hvort treysta megi sjókortunum og áttavitanum.

Karl sagði í erindi sínu, að kirkjan þurfi að þola skoðanaskipti og andstæð sjónarmið. „Hún þarf að þola meiri margbreytni starfshátta og þarf að forðast að steypa allt í sama mót. Kirkjan er ekki golfvöllur þar sem aðeins er rými fyrir eina grastegund sem klippt er í sömu hæð. Nei, hún er frekar eins og íslenskur úthagi, lyngmói, þar sem fjölbreytt líf þrífst og saman vaxa snarrótarpuntur og holtasóley.”

Hvernig er þessi maður þegar hann kemur heim úr vinnu á daginn ?

KARL: Sæl elskan mín. Ég vann í dag verkefni sem tók á orku minni eins og dráttarbeisli asnans sem þjarkað var á ökrum mesópótamíu í þá daga er kristur fæddist. Hvert bréf var sem sárindi undan leðurbeislunum er hertu saman húð mína í átökum fram eftir degi. Hvert símtal var sem svipuhögg máttugs bónda með það markmið að plægja akurinn frekar en að hlífa mér. En verklokin voru fögur sem sólsetur við nýplægðan akur sáðan með fræjum sem gefa af sér líf og von.

FRÚIN: Hvað ertu að tala um Kalli minn ??? Hvað varstu að gera ???

KARL: Ég skrifaði fréttatilkynningu á mbl.is !!!

Biskup segir skiljanlegt að verklag kirkjunnar þyki varfærið og fálmkennt

Svínasamkeppnin mikla !!!

Ali menn búa sig undir fall þegar Danska krúnan gerir tilkall til svínslega íslenska matvælamarkaðarins. SS sveitirnar eru hinsvegar vanar harðri baráttu. Danir eru ævareiðir yfir þessari óprúttnu aðferðarfræði Dönsku krúnunnar (Danis Crown) þar sem þeir átta sig smátt og smátt á því hvað Ísland er að taka þá yfir. Við erum að taka fjölmiðlamarkaðinn þeirra, kaupa höfuðborgina þeirra og núna erum við að byrja að borða matinn þeirra.

Danski vitleysumálaráðherrann skoraði á Íslendinga að gefa sér að borða er hann sagði orðrétt "Vi danskerne vil meget gjerne få noget at spise når islendingerne har kobt Danmark. Vi kan meget godt lide som "myglað korn" som vi giv Island på sidste årtusind. Geir H. Haarde svaraði þessum áskorunum snemma í morgun í viðtali við Ísland í Dag "Við Íslendingar erum í óðaönn að kaupa Danmörk. En við munum að öllum líkindum gefa Danmörk til Noregs þar sem norðmenn eru svo afskaplega góðir að vilja verja okkur á friðartímum. Ég vil minna fólk á að ef ekki nyti stuðnings Noregs að þá værum við ekki örugg á friðartímum" !!!

Danskir svínakjötsframleiðendur ætla inn á íslenskan markað

Pólverjum meinaður aðgangur að bökuðum baunum !

Eftir loftmengunarslys í jarðgöngum Kárahnjúkarvirkjunnar hafa verkstjórar austan fjalls brugðið á það ráð að meina Pólverjum aðgang að bökuðum baunum til að koma í veg fyrir frekari viðrekstur. Magakveisur sem hafa gengið um svæðið hafa valdið óhóflegri losun á metangasi og sem dæmi má nefna að yfirlæknir svæðiðsins hefur sjaldan séð heilsu manna jafn slæma. Hápunkti var þó náð þegar Pólverji leysti vind á mjög staðbundnu svæði og hefur vinnueftirlitið nú lokað göngunum.

Það er mikil stemning fyrir þessu óviðbúna fríi á Kárahnjúkum og sitja menn nú með bjór í hönd á meðan Pólverjinn klárar að blása í austur með rassin út í loftið !!!

Beðið eftir sérfræðingum til að meta loftmengunina í aðrennslisgöngunum

150 feitir karlar með mannbrjóst hætta að drekka !!!

Man-boobs eða mannbrjóst hafa verið afar viðkvæmt umræðuefni á Íslandi s.l. áratugi. Fitubollunefndin tók þetta fyrir á aðalfundi sínum sem haldinn var á McDonalds í síðustu viku. Sveinn bakari yfirbolla segir að verndun mannbrjósta hafi verið afar ábótavant og til að mynda sé það ekki viðurkennt í samfélaginu að karlmenn geti gengið í brjóstahöldum. Þetta orsaki lafandi og slitin mannbrjóst hjá ótal mörgum velvöxnum mönnum. Áhættuþátturinn hefur nú aukist með tilkomu brjóstakrabbameins í mannbrjóstum sérstaklega með tilliti til þess að margir hafa safnað mannbrjóstum með ötulli og óeigingjarnri drykkju á Karlsbergum og Túborgum.

Formaður fitubollunefndar Mannbrjóstasamtakanna !

Áfengisneysla eykur líkur á brjóstakrabbameini

Matseðillinn afskaplega girnilegur !!!

NOMA með sinn norðurlandamatseðil hefur slegið enn eitt metið með því að bjóða uppá gratineraða hrútspunga með sviðapaté borið fram í hálfu höfði af kind... Þessum glæsilega rétti er rennt niður með Brennivíni sem er vinsælasti drykkurinn á Pravda heitasta skemmtistað Íslendinga.

Starfsmenn dekkjarframleiðandans Michelin sögðu að staðurinn væri bara hreint ágætur í nýjasta fréttabréfinu sínu "Negldur á veturna".

Noma talið 15. besta veitingahús heims