Þeim vantar bara klapp á bakið !!!

Tökum nú höndum saman og stoppum alltaf hjá Blöndóslöggunni á leið norður. Þeir reyna svo mikið að vera duglegir og í hvert skipti sem þeir eru duglegir við að stoppa grunlausa ökumenn og hrifsa af þeim krónur úr vasanum hringja þeir í fréttablöðin í þeim tilgangi að prýða forsíðuna.

Þeir þrá athygli. Þeim vantar kærleika og hlýju. Það kann enginn vel við þá og þeim finnst þeir vera misskildir í heimi fullum af lögbrjótum. Stoppum á Blönduósi og klöppum þeim á bakið. Hrósum þeim og segjum fallega hluti við þá. Þá kanski öðlast þeir friðarró og við getum byrjað aftur að keyra alltof hratt og drepa okkur í umferðinni !

Vildi gefa lögreglunni radarvarann

Athugasemdir

[Björn Davíðsson, 14.6.2007 kl. 10:35]

Svo maður taki undir kaldhæðnina, finnst þér þá semsagt allt í lagi að aka alltof hratt miðað við leyfileg hraðamörk? - En einungis þú og engir aðrir? <kaldhæðni lýkur> Húrra fyrir Blönduóslöggunni.

[Helgi Þór Guðmundsson, 14.6.2007 kl. 10:59]

Bjössi minn... Er ekki alveg að fatta hvort þú tekur þátt í djókinu eða hvort þú hafir gert heiðarlega tilraun til að gefa mér kvennlegan löðrung hér á internetinu ???

Hinsvegar get ég með sanni sagt að hraðakstur er ekki mitt sport og öryggi í umferðinni er eitt af höfuðmarkmiðum mínum. Mér finnst bara afskaplega fyndið að sjá hvernig þeir fylla upp í tómarúm á forsíðum á milli Paris Hilton fréttanna og Lindsay Lohan slúðursins.

Það verður að lesa á milli línanna til að fatta djúpan húmor. Og ef við rembumst við að skilja alltaf hið neikvæða endum við með að reita af okkur hárið í stressi !!!

Yfir og út !

[Þórunn (IP-tala skráð) 14.6.2007 kl. 14:31]

ÞÁ vantar klapp.......... (reynum að útrýma þágufallssýkinni :+)